Adnan Islamic Studio

Novel: Zameen Ke Aansu – Episode 14 Writer: Saadiya Kashif Ye lo Hina, le aaya hoon bachi ko. Ab sambhalo, ise kitna ro rahi hai, bechari… Bilal ne ek din ki roti hui bachi Hina ke haath me di. Bilal se iska rona bardasht nahi ho raha tha. Usne ise Hina ko diya aur kuch bole baghair kamre me chala gaya. Hina Bilal ki narazgi samajh gayi thi, lekin usne iska gussa is bachi par nikala aur roti hui bachi ko bed par le liya. Bachi cheenk-cheenk kar ro rahi thi, lekin Hina ko is bachi ke rone par taras nahi aa raha tha. Woh to sirf badle ki aag me jal rahi thi. Is bachi ke rone ki awaaz sun kar aasmaan aur zameen larz uthi thi. Kitna zulm hai is duniya me, jisey dekh kar zameen bhi roti hai… Pehle isi zameen par ek bhai ne bhai ka qatal kiya aur issi zameen me dafn kar diya. Phir Firoun ke zamane me zinda bachiyon ko zameen me dafn kar diya jata tha… Tab zameen tarp-tarp ke roti thi. Zameen ek maa hoti hai jo poori duniya ko sambhal kar rakhti hai, jab ye hi insaan zameen par zulm ...

Novel: Zameen Ke Aansu – Episode 13 Writer: Saadiya Kashif Kuch pata chala meri bachi ka… Jab Bilal sahab saare din ke thake haare ghar andar aaye to Hina Begum ne unse Hoor ke baare mein poocha. “Dekho Hina Begum, khud ko sambhalo. Mil jayegi. Main abhi police station se hi aa raha hoon. Chaanbeen jaari hai, abhi body nahi mili…” “Bas dua karo ke hamari bachi theek ho…” Bilal sahab ne Hina Begum ko sambhalte hue kaha: “Un logon se kuch nahi hoga uncle. Main khud jaungi Hoorain ko talaash karke laungi…” Jab Bilal sahab Hina Begum ko sambhal rahe the, Hania unke paas aayi. Woh bohat kamzor lag rahi thi. In kuch dino mein usne kitne dard sahe the — pehle Hanan se doori ka dard aur ab Hoorain ka koi pata nahi chal raha tha. “Nahi beta, tum kahin nahi jaogi. Police apna kaam kar rahi hai. Hum ek beti ki doori aage bhi bardasht kar rahe hain. Allah na kare tumhe bhi kuch ho gaya to hum bardasht nahi kar paayenge…” Hina Begum roni hui boli: “Please, itni mat royein. Main kahin...

Zameen Ke Aansu – Episode 12 | Nafrat Ka Ailan, RH Ka Sach Aur Khaufnaak Accident Episode 12 "Main tum se mohabbat nahi karti... aur main ne sirf paison ke liye tum se mohabbat ka natak kiya tha." "Nahi! Kyun kiya tum ne aisa Hania? Main tum se kitni mohabbat karta tha!" "Ab tak tum ne meri mohabbat dekhi hai... ab meri nafrat dekhna. I hate you, Hania!" Toota Hua Dil Hanan jab apne kamre mein aaya to sheeshe ke saamne kharay hote hi uske dil se ek dard bhari aah nikli. Us ne gusse mein aakar sheeshe par zor se mukka maara. Sheesha zameen par toot kar bikhar gaya... "Jis tarah yeh sheeshe ke tukde bikhar gaye hain, usi tarah main bhi toot chuka hoon," us ne zameen par ghutnon ke bal baithte hue kaha. Uski aankhon mein aansu nahi thay, magar dard apni inteha par tha. Aansu aankhon se girne ke bajaye uske galay mein phanda ban kar atak gaye thay. Ek Majboor Maa "Aap ne theek nahi kiya, Arsalan Sahab. Aap ne apne bet...

Zameen Ke Aansu – Episode 11 | Mohabbat Ka Iqraar, Baap Ki Zid Aur Judaai Ka Dard Episode 11 "Hoor, main tumhein kuch batana chahti hoon..." Hania ne halka sa jhijakte hue kaha jab Hoor apne haathon par nail paint laga rahi thi. "Ji Aapi, boliye na... kya baat hai?" Hoor ne muskurate hue jawab diya. Hania ne gehri saans li. "Jab hum Murree mein thay... Hanan ne mujhe shaadi ke liye propose kiya." "Kyaaa? Aapi sach mein? Aur aap ne kya jawab diya?" Hoor ne bechaini se poocha. "Main ne abhi tak jawab nahi diya... main ne thoda waqt maanga hai." "Waqt? Aapi is mein sochne wali kya baat hai? Aap Hanan se mohabbat karti hain. Aap ko haan keh dena chahiye." Hania ne nazrein jhuka li. "Mujhe darr lagta hai... kahin unke ghar walon ne mujhe reject kar diya to?" "Aisa kuch nahi hoga. Aunty to aapse kitni mohabbat se mili thin. Unhone kaha tha na ke aap unhein apni bichri hui behen jaisi lagti hain....

Zameen Ke Aansu – Episode 10 | Chori, Purana Ghar Aur RH Ka Pur-Asrar Raaz Episode 10 "Oyeeeee chor! Chor! Mera purse!" Hoor jab Sana ke saath apni tasveerein banane mein magan thi to achanak ek larka uska purse khench kar bhaag gaya. Hoor bhi bina soche samjhe uske peeche daud padi. Larka bhaagte hue ek purane se ghar mein daakhil ho gaya. Hoor bhi uske peeche us ghar ke andar chali gayi. Andar har taraf andhera tha. Raat ki siyahi chaaron taraf phel chuki thi. Hoor ko kuch nazar nahi aa raha tha. "Aao beta... main ne hi tumhein yahan bulaya hai..." Achanak ek aurat ki awaaz goonji. Hoor ek dum se ruk gayi. Uska dil zor zor se dhadakne laga. Thori dair baad light on hui aur usne apne saamne taqreeban chalis saal ki ek aurat ko khara paya. Ghar dekhne mein purana tha magar intehai khubsurat tha. Main hall mein safed tiles ka farsh, sofa set aur beech mein sheeshe ki mez rakhi thi. Samne golai mein banti hui seedhiyan upar ki taraf ja rahi thin. ...

Zameen Ke Aansu – Episode 9 | Murree Ka Safar, Kashmir Point Ki Khubsurti Aur Hanan Ka Izhar-e-Mohabbat Episode 9 Bus Murree ke raston par rawan dawan thi. Sabz ghane darakht, sard mausam, taza hawa, khubsurat wadiyan aur sadak ke kinare utarte hue badal ek haseen manzar pesh kar rahe the. Bus mein baithe tamam students is dilkash nazare ka poora lutf utha rahe the. Kashmir Point – Murree Bus Murree ke mashhoor maqam Kashmir Point par ruki. Kashmir Point, Murree ka ek khubsurat tourist spot hai jo Mall Road par samandar ki satah se taqreeban 7340 feet ki bulandi par waqia hai. Yahan se Kashmir ke pahari ilaqon ke hairat angez manazir ba asani dekhe ja sakte hain. Bagh-e-Shaheedan, food park aur water pools ki wajah se yahan tourists ki bari tadaad aati hai. "Chalo bachon, hum apni manzil par pohanch chuke hain. Sab araam se neeche utro," driver ne awaaz lagai. Sab students ek ek kar ke neeche utarne lage... siwaye Hania aur Hanan ke. Hania abhi tak Ha...

Zameen Ke Aansu – Episode 8 | Picnic Ka Safar, RH Ka Paighaam Aur Mohabbat Ka Iqraar Episode 8 "Hoor uth jao, jana nahi hai kya? Raat ko to itni khush thi aur ab tumhara sona hi khatam nahi ho raha." Hania ne usay hila kar uthaya jo abhi tak gehri neend mein thi. "Kya time hai Aapi?" Hoor ne aankhein band rakhte hue poocha. "Paanch baj rahe hain larki." "Kyaaa?" Hoor jhat se uth baithi. "Sirf ek ghanta reh gaya hai aur aap ready bhi ho gayi!" Hoor ne Hania ko dekha to muskuraye bina na reh saki. Hania ne dark pink color ki long frock pehni hui thi jo paon tak thi. Gale mein silver dupatta, baal khule hue kandhon tak aa rahe the. Golden tops aur halka sa makeup uski khoobsurti ko aur nikhar raha tha. "Bas bas, bohat ho gayi tareef. Ab jaldi se ready ho jao." Thodi der baad neeche se car ka horn bajne laga. "Hoor beta jaldi karo, Hanan kab se horn baja raha hai!" Hina Begum ne awaaz di. Hoor ne ...

Zameen Ke Aansu – Episode 7 | Angoothi Ka Raaz, Hoor Ka Picnic Plan Aur Mohabbat Ki Aahat Episode 7 "Hina meri baat kaan khol kar sun lo. Is angoothi ke raaz ke baare mein Hoor ko pata nahi chalna chahiye." "Main nahi chahta ke Hoor ko sachai ki bhalak bhi lage, samajh gayi na..." Bilal sahab ne Hina Begum ke haath se chai ka cup lete hue kaha. Hina Begum unhein hairani se dekh rahi thi. Aaj Bilal sahab ko ghar wapas aaye ek hafta guzar chuka tha. Unki sehat pehle se kaafi behtar thi, lekin angoothi wali baat ab bhi unhein pareshan kar rahi thi. Isi liye unhon ne Hina Begum ko sakhti se mana kiya tha ke Hoor ko kuch na bataya jaye. "Lekin Bilal sahab kab tak aap is baat ko chhupayenge? Ek na ek din to Hoor ko sab pata chal hi jana hai." "Dekho Hina Begum, jab pata chalega tab dekha jayega. Filhaal koshish karo ke use kuch bhi pata na chale." Bilal sahab ke chehre par pareshani saaf nazar aa rahi thi. Tabhi achanak darwaza khula....

Zameen Ke Aansu – Episode 6 Writer: Saadia Kashif Title: Rehan Ka Proposal aur Bilal Sahab Ka Haalat Rehan Ka Unexpected Proposal "Hello Madam, listen, main aap se kuch baat karna chahta hoon..." Hoor jab college se nikli, to samne ek ladka khada tha, jo black jeans aur blue shirt mein tha. Uska gola safed chehra, bhuri aankhein jin par black glasses lage hue the, halka stylish daadhi aur hair cut uski personality ko aur ubhar raha tha. Hoor ne socha ye koi ameer zada lagta hai. Hoor: "Ji, kaun hai aap aur kya baat karna chahte hain?" Rehan: "Mera naam Rehan hai, main Turkey se hoon. Jab se aapko dekha hoon, bas aapke baare mein sochta hoon. Aapke saath apni poori zindagi guzarna chahta hoon. Agar aap allow karein, main aapke parents se aapka haath mangna chahta hoon." Hoor pehle hairani se us ladke ko dekhti rahi: "Sorry Mr. Rehan, mujhe aap pasand nahi aur main aapka proposal accept nahi karti." Rehan: "Toh sun lo Hoor, mai...

Zameen Ke Aansu – Episode 5 Writer: Saadia Kashif Title: Hanan Ki Ghar Wapsi aur Cousins Ki Batein Hanan Ki Ghar Wapsi Wahan hi ruk jao, khabar daar! Yahan aawara larkon ke liye koi jagah nahi. Jo poori raat bahar aawara gardi karte hai aur subah ghar wapas aate hai... Jab Hanan ghar ke darwaze mein daakhil hua, to uske walid Arslan Sikandar ne use wahan hi rok diya. Hanan hairani se unki taraf dekh raha tha. "Lekin Dad..." Hanan ne kuch bolne ke liye mooh khola, lekin Arslan Sikandar ne haath ke ishare se use roka. "Sikandar sahib, bachay ki baat sun le..." Sonia khatoon ne kaha. "Bas, Sonia, main kuch nahi sunna. Ye sab tumhare hi laad-pyar ka nateeja hai, jisse ye aawara gardi karne laga hai," Arslan Sikandar ne gusse se kaha. Hanan ghusse se chillata hua apne kamre ki taraf gaya aur apna bag pack kiya. Sonia khatoon haath jor kar ro rahi thi: "Please roko use, main kaise rahoongi uske bina..." Hanan ne maa ke aansoo saaf k...

Zameen Ke Aansu – Episode 4 Writer: Saadia Kashif Title: Hania Ka Mehfooz Ghar aur Hoor-e-Ain "Main ne apni cousin ko call kar di hai, tumhara rehne ka intezam ho jaayega..." Hanan ne call band ki aur Hania ki taraf dekhte hue kaha. Hania apni nazrein jhukae, pareshan baithi thi, par ab Hanan ki baat par uski taraf mutawajeh hui. "Shukriya," Hania ne halka sa muskurate hue kaha. "Nahi koi baat nahi. Waise mera naam Hanan hai, tumhara naam kya hai?" Hanan ne car start karte hue poocha. "Ji mera naam Hania hai," usne jawab diya. "Thank Godddd," Hanan ne dono haathon ko uthate hue kaha. Hania ne is scene ko dekh kar hairani mehsoos ki. Gaadi Mein Pehli Baatein "Ek baat bologe?" Hanan ne poocha. Hania ne dheemi awaaz mein kaha, "Haan, kya baat hai?" "Please, gaadi aahista chala sakte ho? Mujhe dar lag raha hai," Hania ne thodi si dar se kaha. Hanan ne ghusse se dekha aur brem lagate hue...

Zameen Ke Aansu – Episode 3 Writer: Saadia Kashif "Ya Allah mujhe koi rasta dikha... is anjaan raste mein koi manzil dikha de. Agar tu mujhe yahan tak laya hai to aage ka rasta bhi dikha de. Main ek kamzor larki hoon, mujhe himmat de." Hania Islamabad ke ek park ke bahar bench par baithi apne haathon mein chehra chhupaye ro rahi thi. Raat ka andhera chha chuka tha. Das baj chuke the. Na koi insaan nazar aa raha tha, na koi parinda. Poora din bhooki pyaasi shehar ki anjaan sadkon par bhatakne ke baad ab uske paas na taqat thi na umeed. Woh bas Allah se madad maang rahi thi. Akele safar karna ek larki ke liye kitna mushkil hota hai, yeh aaj Hania se behtar koi nahi jaanta tha. Naya Khauf "Yaar woh dekh, kya larki hai..." Do nashay mein dhut larke uski taraf badhne lage. Haathon mein sharab ki bottle aur chehron par ghatiya muskurahat thi. Hania ghabra kar uth khadi hui aur bhaagne lagi. "Oye bhaag rahi hai, pakar ise!" Woh paagalon ki ...

Zameen Ke Aansu – Episode 2 Writer: Saadia Kashif "Maa... maa mujhe chhor kar mat jao please maa... main mar jaungi tumhare bina... Khuda ke liye mat jao maa..." Hania achanak cheekh kar uthi. Mumtaz Begum foran uth kar uske paas aayi. "Kya hua Hania beta? Koi darawna khwab dekha?" Hania bohat dari hui thi. Uska chehra paseene se bheega hua tha aur aansu rukne ka naam nahi le rahe the. "Aunty mujhe roz ek hi khwab aata hai. Ek chehra aata hai mere khwab mein... main roz use dekhne ki koshish karti hoon lekin dekh nahi pati. Bas use maa ke naam se pukarti hoon." "Maine apni maa ko kabhi nahi dekha. Jab bhi baba se poocha unhone hamesha baat taal di. Woh kehte the tumhari koi maa nahi hai. Lekin main nahi maanti... mujhe lagta hai meri maa bhi mujhe yaad karti hogi." Hania rote hue boli, "Jab main doosri betiyon ko unki family ke saath dekhti hoon na, mera dil tarpta hai. Kaash mujhe meri maa ke baare mein kuch pata chal jaye....

Zameen Ke Aansu – Episode 1 Writer: Saadia Kashif Khuda ke liye Sheikh sahab meri bachi par reham khaye... Aap pehle hi har cheez mein apni manmaani kar chuke hain. Meri phool si bachi ko un darindon ke hawale kar chuke hain. Ab meri doosri bachi ko to chhor dein, uski umar par hi taras kha lein. Maryam zameen par apne zalim shohar ke qadmon mein pari apni beti ki zindagi ki bheek maang rahi thi, jise woh kisi doosre aadmi ko bechne ja raha tha. "Peeche hat ja warna is manhoos ke saath tujhe bhi bech aaunga," Sheikh ne gusse se kaha. "Main tujhe pehle hi bata chuka hoon ke mujhe beta chahiye. Agar beti paida hui to use main apne ghar mein nahi rakhoonga." Sheikh ne Maryam ko zor ki thokar mari. Uska sar door ja kar zameen se takra gaya. Phir usne masoom bachi ko godh mein uthaya aur use bechne chala gaya. Woh bachi jo abhi kuch der pehle hi duniya mein aayi thi. Maryam roti rahi, chillati rahi, lekin us be-reham ko taras na aaya. Maryam aur Sheikh ki ...

اس کرم کا کروں شکر کیسے ادا Lyrics | نعت رسولِ آخر ﷺ اس کرم کا کروں شکر کیسے ادا ایک نہایت خوبصورت اور مشہور نعتِ رسولِ آخر ﷺ ہے۔ اس نعت میں حضور نبی کریم ﷺ کے کرم، عطا اور امت پر شفقت کا نہایت خوبصورت انداز میں ذکر کیا گیا ہے۔ 📜 اس کرم کا کروں شکر کیسے ادا – مکمل نعت کے بول اس کرم کا کروں شکر کیسے ادا جو کرم مجھ پہ میرے نبی ﷺ کر دیا میں سجاتا تھا سرکار کی محفلیں مجھ کو ہر غم سے رب نے بری کر دیا ذکرِ سرکار کی ہیں بڑی برکتیں مل گئیں راحتیں عظمتیں رفعتیں میں گنہگار تھا بے عمل تھا مگر مصطفی ﷺ نے مجھے جنتی کر دیا لمحہ لمحہ ہے مجھ پر نبی ﷺ کی عطا دوستو اور مانگوں میں مولا سے کیا کیا یہ کم ہے کہ میرے خدا نے مجھے اپنے محبوب کا امتی کر دیا جو بھی آیا ہے محفل میں سرکار کی حاضری مل گئی جس کو دربار کی کوئی صدیق فاروق عثمان ہوا اور کسی کو نبی ﷺ نے علی کر دیا جو درِ مصطفی کے گدا ہو گئے دیکھتے دیکھتے کیا سے کیا ہو گئے ایسی چشمِ کرم کی ہے سرکار نے دونوں عالم میں ان کو غنی کر دیا کوئی مایوس لوٹا نہ دربار سے جو بھی مانگا ملا میری سرکار سے صدق...